[A:6a]du thub pa'i dgongs pa gsal ba mdzad nas rjes su bod du bskur ba de'i tshe tshig don rnams slob ma dag gis bod du bshad chog pa bzhin no zhes pa dang / dngos lan la sa skya pa chen po las dbang bskur thob pa'i slob dpon zhig gis slob dpon rtse mos mdzad pa'i dbang chu chen mo'i steng nas dbang ma zhus kyang / rang gi slob ma dag la dbang chu chen mo'i steng nas dbang bskur byed du rung ba bzhin du/ rje btsun rin po che nas brgyud pa'i byang sdom thob la ma nyams pa'i rdo rje slob dpon zhig gis/ rje btsun gyis mdzad pa'i sems bskyed kyi yi ge'i steng nas rang gis thob pa ma yin kyang gzhan la 'bog tu rung ste/ rje btsun chen po nas brgyud pa'i sems bskyed kyi sdom pa thob la ma nyams pa'i gang zag yin pas so/ /de ni snyan brgyud yi ger bris pa rnams la mtshungs zhes gsungs so/ /yang gong gi mus srad pa chen po'i gsung de'i lan du/ thams cad mkhyen pa dkon mchog lhun grub kyis brgal lan tshangs pa'i rigs sngags zhes bya ba mdzad de/ de nyid las/ dngos bstan gyi rgol tshul la skyon chags pa dang / zhe 'dod kyi lan dpe dang bcas te bshad pa/ rgol ba po rang nyid nyes pa can du bstan pa dang gsum du mdzad nas/ dang po la sems bskyed kyi yi ge de sngar med pa phyis gsar du rnyed pa dang / yi ge de'i steng nas sngon byon pa'i chen po sus kyang byas pa med do zhes pa de'ang ngor chen gyi gsung gang na'ang med cing / khungs thub kyi gsung bgros na'ang med pas rang gi zhe 'dod kyis smras par snang bas/ dngos bstan gyi rgol tshul