[A:5a]brgyad thog mar mdor bstan nam rtsa tshig gi tshul du smos te/ slar de dag rgyas bshad dam rang 'grel gyi tshul du zhib par gsungs pa la brten nas/ ngor lugs kyi bstan 'dzin dag gis de nyid kyi brgal lan du ma dang / slad nas rdzong lugs kyi mkhas pa rnams kyis kyang lan gyi rim pa dag mdzad de/ /'bel ba'i gtam gyis bstan pa rin po che nyid gsal bar mdzad pa yin no/ /gong gi tshigs bcad 'di dag la paN chen gyi rnam thar sgo brgyad pa dang / dkon mchog lhun grub kyi tshangs pa'i rigs sngags su mi 'dra ba re 'byung yang 'dir ni chu rgyun bzhi pa nas ji skad 'byung ba bzhin bkod pa'o/ /brgal lan gyi rnam gzhag de dag las 'dir so so'i bzhed don gyi snying po dag blangs te bshad na/ 'di la don tshan dgu ste/ sems bskyed la brgyud pa yod med kyi rnam gzhag rjes 'dzin la grangs nges yod med kyi rnam gzhag sta gon la 'brel pa yod med kyi rnam gzhag slob dpon gyi dbang la grangs nges yod med kyi rnam gzhag brtul zhugs dang slob dpon gyi dbang la yangs dag yod med kyi rnam gzhag lus dkyil la 'byung khungs kyi tshig yod med kyi rnam gzhag lus dkyil lha la rgyas gdab rigs mtshon yod med kyi rnam gzhag bza' ba'i dam tshig yod med kyi rnam gzhag gdan gyi dag pa sogs gong ma'i bka' yin min gyi rnam gzhag bstan pa'o/ /dang po ni/ chos rje rdo rje rgyal mtshan gyis rnam bshad chu rgyun bzhi par/ sems bskyed brgyud pa med pa dang / /zhes pa'i rgyas bshad du ji ltar