[A:56a]bskyar nas rung zhe na/ /dkyil 'khor bsgrubs nas sta gon ni/ /ji ltar byed ces khyed nyid kyis/ /gzhan la smras pa de brjed dam/ /slob dpon lus kyi dkyil 'khor ni/ /gcig las med phyir lus dkyil du/ /dbang bskur slob dpon tshe gang la/ /gcig las byed du mi rung bar/ /gzhung bshad mkhas rlom khyed 'dod dam/ /de lta na ni lam 'bras kyang / tshar gcig nyid las mi rung bar/ /thal ba 'di la 'dod lan thob/ /mdor na 'di 'dra'i grub mtha' ni/ /mthong ba brgyud pa'i phyag len gyis/ /brgyan pa'i slob dpon ma bsten par/ /dkyil chog rnams kyi tshig rigs la/ /thug phrad byas pa'i gtam du snang / /zhes kyang gsungs so/ /de ltar rgyas par gsungs pa dag gi lan la mkhan chen bzang bkras pas snyan brgyud 'khrul sel las/ tshangs pa'i rig sngags las byung ba'i mgo mtshungs kyi rigs pa rnams brjod pa'i rjes su/ 'o na smin byed tshar re la/ /slob ma sta gon tshar re dang / /'jug cing dbang bskur len pa sogs/ /tshar re dgos na bsnyen sogs brgyad/ /tshar re dgos sogs sgrub byed kun/ /ri bong tshang log cis mi 'gyur/ /sgrub mchod la sogs bar ma chad/ /dgos na dbang chur sgrub mchod dang / /'jug pa'i bar du sbyin sreg sogs/ /gsungs pa ma mthong de nyid bstan/ /zhes pa dang / yang tshangs pa'i rig sngags las rnal ma'i lan gsungs tshul bkod pa'i rjes su/ sta gon dang po gnyis po de/ /tshar re byas pa'i dgos pa des/ /dbang bskur phyi ma kun 'grub na/ /bdag