[A:56b]mdun 'jug pa bum sgrub sogs/ /kun kyang tshar res dbang bskur kun/ /'grub par 'gyur te dgos pa mtshungs/ /khyed la'ang slob ma sta gon dang / /dngos gzhi grangs mnyam dgos pa'i phyir/ /rin 'byung man la bum chog re/ /dgos pa mtshungs shing rdul tshon gyi/ /dkyil 'khor gcig tu gshin po la/ /dbang bzhi nub drug bskur ba'i rjes/ /gshegs gsol dgos ltar lus dkyil gsum/ /gshegs gsol dgos pa'i rigs pa mtshungs/ /gshegs gsol rdul tshon gzhir bzhag nas/ /drug gam gcig kyang de bzhin yin/ /zhes pa dang / yang tshangs pa'i rig sngags su ras bris dang rdul tshon du dbang tshar gcig las rung mi rung gi mtshungs pa mdzad pa bkod pa'i rjes su/ ras bris dkyil 'khor gcig nyid du/ /dbang bskur yang yang rung ba ltar/ /rdul tshon yang yang 'degs 'jog sogs/ /shes na khyod ni rdzu 'phrul che/ /sa 'dir dkyil 'khor sogs kyi don/ /bsgrub bya yin gyis sgrub byed min/ /mdor na brgya phrag brgal ba la/ /dmigs nas sta gon gcig nyid kyis/ /dngos gzhi du ma rung gyur na/ /'o na sta gon gcig nyid kyis/ tshe gang go chod 'gyur ba sogs/ /ha cang thal phyir log pa yin/ /rdul tshon dkyil 'khor gcig nyid du/ /lus rten gcig la zhag drug bar/ /dbang bskur rung gis zhag bdun nas/ /dkyil 'khor gsar du 'dri dgos na/ /lus rten 'phos pa'i rigs pa yis/ /de 'dra'i dkyil 'khor gcig nyid du/ /dbang tshan tha dad gyur pa la/ /dbang bskur min zhing dkyil 'khor yang / /tha dad