[A:57b]gsum ni cho ga de'i yan lag yin pas dbang bskur ba man chad du mi dgos la/ lhag ma lnga ni sbyor dngos rjes gsum tshang ba'i cho ga tshar gcig yin pas dus thams cad du mtshungs so/ /gzhan yang tshe stod la sta gon tshar gcig byas pas khyod rang gi tshe ril po dbang bskur ba'i sta gon gyi go chod par 'gyur te/ khyod rang gi sta gon byas pa'i skabs don de dag sta gon gcig pu des 'grub pa'i phyir dang / rdul tshon gyi dkyil 'khor gcig gis slob ma brgya stong grangs med pa smin gyi 'dug pa'i phyir ro/ /yang dkyil 'khor de dang tshogs de dag 'brel ba'i phyir zhes pa'i don ci/ tshogs de dag gi don du bzhengs pas zer na/ rdul tshon gyi dkyil 'khor des sems can thams cad smin par gyis shig ces gsungs/ yang tshangs pa'i rigs sngags su ras bris dang rdul tshon gnyis dkyil 'khor gcig tu smin byed tshar mang po rung mi rung gi mtshungs pa brjod nas/ dbang bskur tshar re la sta gon tshar re dgos pa'i lung bstan dgos zhes sogs kyi lan du/ ras bris dang rdul tshon mtshungs pa ma yin te/ ras bris kyi dkyil 'khor gcig nyid du sbyor dngos rjes gsum tshang ba'i cho ga re byas nas/ slar yang de bzhin du byas pas dbang tshan mi gcig pa mang du smin pa mngon sum du mthong na/ khyod kyis rdul tshon gyi dkyil 'khor du ras bris ltar gyis shig kho bos khyod grub pa thob par khas blangs so/ /dbang gi rgya gzhung bod gzhung thams cad dbang tshar re sta gon tshar re dgos pa'i bshad pa dang lag len kho na yin na sems rnal du phob cig kye rdo rje'i ras bris