[A:58a]dang rdul tshon du dbang bskur ba la sta gon mi dgos zer zhing lag len du byed pa khyod min su yang ma byung ngo / /des na rdul tshon gyi dkyil 'khor kho na smin byed du 'dod pa grub pa'i mthar byas pa 'di dang / dad pa'i rjes 'brang gi slob tshogs mang ba 'di dang / rdul tshon yang nas yang du 'dri mi nus pa'i las sla 'di gsum gyis rdo rje theg pa'i bstan pa rmang nas zhig pa ma mkhyen pa'i rdo rje slob dpon mang du mthong ste dbang lam gyi rtsa ba yin pas skal ldan dag zon gyis shig ces gsungs so/ /yang tshangs pa'i rigs sngags su dkyil 'khor sgrub pa dang bdag 'jug dang dbang gsum gyi bar du cho ga rigs mi mthun gzhan gyis bar ma chod pa dgos pa dang / sta gon dang dngos gzhi sgrub mchod la de mi dgos par gsungs pa'i lan du/ de ltar na slob dpon rin po ches dkyil 'khor sgrub cing mchod pa'i cho ga'o/ /rgyas pa'i sbyin sreg byed na bar 'dir sbyin sreg gi cho ga las 'byung ba ltar sbyin sreg bya'o/ /gal te rab tu gnas pa byed pa yin yang de'i tshe rab gnas kyi sta gon bya'o/ /gal te dkyil 'khor nub gsum pa'i lugs su byed na yang de'i nub mo rab gnas kyi sta gon byas la phyi nyin/ snga dro rab gnas kyi dngos gzhi dang rgyas pa'i sbyin sreg byas la/ de'i nub mo slob dpon bdag nyid 'jug cing dbang blang ba dang slob ma gzhug cing dbang bskur ba'i bar du bya'o/ /gal te rab tu gnas pa la sogs pa mi byed de/ dkyil 'khor nub gsum par yang mi byed na de ltar sgrub cing mchod pa'i rjes la slob dpon bdag nyid 'jug cing dbang bskur