[A:61a]smin byed rgyud las bkag /ces rdul tshon ma gtogs mtha' gcig tu mi rung bar gsungs pa dang 'gal lo zhes dang / smin byed rdul tshon gyi dkyil 'khor du mtha' gcig tu dgos par gsungs pa dang / de las gzhan rgyud las bkag gsungs pa'i rgyud de sa skya pa thams cad la logs nas ston par rigs so zhes phyogs snga ma'i bzhed pa ma longs pa'i gsung mang du 'god par mdzad do/ /de la/ deng sang gang zag rab 'bring kun/ /zhes sogs kyis smin byed kyi dbang rdul tshon gyi dkyil 'khor kho nar bya dgos pa bstan pa min te/ kho bo cag gi lugs la ras bris su'ang smin byed rung bar bzhed pas so/ /de ltar yang rje btsun rtse mo'i dbang chu chen mo las/ ras bris la brten pa'i lugs 'di ni bde mchog a bhi dha na la brten/ slob dpon rdo rje dril bu pa dang dga' rab rdo rje la sogs pas gsungs/ deng sang rgya gar na'ang cho ga phal cher 'di la byed la/ bla ma gong ma rnams kyang skabs su phyag len 'di la mdzad pas lugs 'di ha cang mi legs pa ma yin no zhes gsungs pa yin la/ des na gzhung de'i don ni deng sang so so skye bo'i gang zag dbang po rab 'bring mtha' ma kun/ so so skye bo'i rdo rje slob dpon gyis smin par byed pa la gtso bor rdul tshon gyi ni dkyil 'khor du dbang bskur bya bar rgyud sde las gsung mod kyi/ de las gzhan phag mo brda bzhi'i dbang dang / sprul pa'i dkyil 'khor du so skye smin pa rgyud las bkag ste tshul de lta bu rgyud sde las ci yang gsungs pa med pa'i phyir zhes pa yin la/ gtso bor rdul tshon bya