[A:61b]bar rgyud sde las gsung te/ spyi rgyud las/ rnam dpyad dang po sa gzhi bzung / /zhes dang / brtag gnyis las/ gsar pa legs par bkal ba dang / /shin tu tshad ma mdzes pa yi/ /srad bu shes rab can gyis gdab/ /zhes dang / rdul tshon dam pa'i tshon dang ni/ /zhes sogs so so skye bo'i rdo rje slob dpon gyis slob ma smin par byed pa'i dbang du byas nas sa brtag bslang sbyang gsum dang / thig gdab tshul sogs dang rin po che lnga'i phye ma la sogs pa rdul tshon gyi dbye ba gsungs pa yin gyis/ sprul pa'i dkyil 'khor du dbang bskur ba na de dag gis dgos pa med pa'i phyir/ gzhan gyi smin byed ces sogs kyi gzhan gyi smin byed de phag mo brda bzhi sogs la ngos 'dzin pa ni/ chos rje nyid kyi sdom gsum rang mchan na/ gzhan gyi smin byed rgyud las bkag /ces pa 'di'i mchan bur/ phag mo la sogs pa zhes gsungs yod pas de ltar du 'chad pa yin la/ khyed kyi 'ol tshod kyis ras bris kyi dkyil 'khor sogs la 'dod pa ni rgyus med kyi rgyus gtam mo/ /der ma zad gzhung nyid kyi 'phros dang yang 'grigs te/ deng sang rdo rje phag mo yis/ byin rlabs dbang bskur yin zhes zer/ zhes phyogs snga bkod nas/ 'di 'dra rgyud sde las ma gsungs/ /bstan bcos rnams las bshad pa med/ /ces sogs lung rigs du ma'i sgo nas 'gog par mdzad pa'i log chos rnams dang / gzhan yang / kha cig gang zag dbang po rab/ /smin byed phag mo'i byin rlabs yin/ /zhes sogs smin byed ma yin pa smin byed du 'dod pa dang / la la slob dpon gyis sprul