[A:62a]pa'i dkyil 'khor sprul nus shing / slob mas blta nus pa'i tshe dbang bya ba yin gyi/ de las gzhan du deng sang dbang bskur du mi rung zer ba sogs gang du bskur ba'i dkyil 'khor la 'khrul pa yod pa rnams chabs gcig tu 'gog pa la/ deng sang zhes sogs 'byung bas so/ /des na khyed kyis de las gzhan rgyud las bkag gsungs pa'i rgyud de sa skya pa thams cad logs nas ston par 'os so gsung ba dang / khyed nyid kyis rjes zhugs sangs rgyas rdo rje bas kyang / gzhan gyi smin byed gang yin dang / /de bkag pa yis lung khungs dang / /'gegs pa'i rgyu mtshan tshad thub rnams/ /smra mkhas nyin skar bas kyang dkon/ /zhes zer zlos byed mod kyang de ni rang gis ma go bas gzhan gyis kyang go ba med snyam pa'am/ gzhan dag go ba dag gis bshad kyang rang gi blo la gsal ba de dang ma mthun pas na 'dis kyang ma go 'dug snyam pa sogs log pa'i shes pas yid drangs pa'i nyes par zad do/ /de lta min na kho bo cag ni/ gzhan gyi smin byed rgyud las bkag /ces 'byung ba'i gzhan gyi smin byed ni sngar bshad pa ltar yin la/ de nyid bkag pa'i lung khungs ni rgyud sde thams cad yin te/ khyed cag dag 'dod pa'i phag mo brda bzhi'i dbang bya ba de dang / gzhan yang so so skye bo'i rdo rje slob dpon gyis sprul pa'i dkyil 'khor du dbang bskur ba sogs smin byed kyi dbang du rgyud sde gang du'ang bshad pa med pa'i phyir/ 'gegs pa'i rgyu mtshan ni/ rdo rje phag mo'i byin rlabs la/ /sdom pa gsum ldan byar mi rung / /phyi nang rten 'brel