[A:62b]'grigs mi 'gyur/ /sku bzhi'i sa bon thebs mi nus/ /de phyir 'di ni byin rlabs tsam/ /yin gyis smin par byed pa min/ /zhes gsal bar gsungs pa 'dis phag mo'i byin rlabs smin byed du 'gegs pa'i rgyu mtshan bstan pa yin la/ so so skye bo'i rdo rje slob dpon gyis so so skye bo'i slob ma sprul pa'i dkyil 'khor du smin par byed pa 'gog pa'i rgyu mtshan ni de lta bu'i rdo rje slob dpon gyis sprul pa'i dkyil 'khor ston mi nus shing / slob mas blta yang mi nus pas na de 'dra'i rdo rje slob dpon gyis dkyil 'khor de lta bur de lta bu'i slob ma smin pa mi rung zhes pa yin no/ /de ltar dpyis phyin par 'doms kyang khyed la ni tshad thub tu 'gro ba ches dka' ste gzu bor gnas pa'i thugs dang mi ldan pas so/ /rgyu mtshan de dag gi phyir na sprul sku mchog padma dkar po rjes 'brangs dang bcas pa'i gsung de dag ni phyogs snga ma longs pa'i sun 'byin te phyogs snga'i nam ma langs par dgag sgrub kyi nyi ma shar ba zhes pa der snang ngo / /de bas na padma dkar po khyed rang gi brtag gnyis 'chad pa po rnams la dri bar/ mchog dbang gsum la dkyil 'khor bsgoms pas rung / /bum pa'i dbang la de lta mi rung ba'i/ /rgyud lung ci yod med na smin byed dbang / /rdul tshon nyid du 'gyur zhes smras kyang ci/ /zhes pa dang / gzhan yang rdul tshon rang mtha' cig tu mi dgos zhes thugs snyung snyung mo'i gsung yang yang phebs 'dug pa de'i khongs de na ras bris sogs dang rdul tshon la smin byed du rung mi rung gi khyad par cung zad tsam yang med snyam pa zhig yod snang ba/ khyad par med na slob