[A:66a]gis slob dpon gyi dbang bskur tshul gnyis ka mdzad cing / phyag len de gnyis ka kho bo cag la'ang yod mod/ phyi ma gtso bor mdzad pa ni slob dpon la slob mas khro ba dang / slob dpon 'phrin las chen po la dgos pa gzhan yod pa sogs dgag dgos kyi yin tshul paN chen gyi gsung ji lta ba bzhin gsungs nas/ de lta na'ang dbang chu dang mi 'gal te/ der ni dngos bstan dbang rim can pa'i dbang du mdzad pa'i phyir ro gsungs/ don tshan gsum pa la rgol ba'i lag len de lung dang mi mthun pa dang / rigs pa dang 'gal tshul gnyis su mdzad nas/ dang po la/ dbang chu gnyis kyi dngos bstan ltar byed na bka' srol 'di la dbang gong ma gsum yang slob ma re re nas bya dgos te/ slob dpon rin po che'i 'grel pa lugs kyi dkyil chog las/ slob ma re re la dbang bzhi cig car ram rim can du bskur bar bya ba yin pas zhes dang / man ngag lugs kyi dbang chu las/ de la rab mtshan gcig la dbang bzhi po 'di rdzogs par bskur na dbang gi mtha' rten yang tha dad du byed do/ /de'ang bum dbang gi mtha' rten rjes gnang / gsang dbang gi lung bstan/ shes rab ye shes kyi dbugs dbyung / dbang bzhi pa'i mtha' rten gzengs bstod do/ /de dag kyang slob ma re re nas rdzogs par bskur ba'i lugs yin no zhes bshad pa'i phyir ro/ des na dbang gong ma gsum ma thob na rdzogs rim dang 'brel pa'i nyams len rnams nyams su len mi rung la/ ljon shing las slob dpon gyi dbang rdzogs par thob nas mchog thun mong gi mngon