[A:7a]ba po nyes pa can du bstan pa la/ dbu ma lugs kyi sems bskyed ni lam 'bras pa la med par rgol ba po rang gi khas blangs/ rgyud sde nas bshad pa'i thun mong ma yin pa'i theg chen sems bskyed kyi cho ga ni khyed kyi dgag bya'i gtso bo yin/ sems tsam lugs kyi sems bskyed kyi cho ga ni lam 'bras pa gong ma rnams la med/ de dag tu ma 'dus pa'i theg chen sems bskyed rang 'bogs byed kyi cho ga sbyor dngos rjes gsum tshang ba med cing / yod kyang de la brgyud pa yod pa dka' bas na rgol ba po rang nyid brgyud pa dang bcas pa la sbyor dngos rjes gsum tshang pa'i cho ga las thob pa'i theg chen sems skyed med par khas blangs/ de ni shin tu mi rigs te/ rigs dang dam tshig ma thob snying rje med/ /de bzhin byang chub sems kyang ma bskyed cing / /sangs rgyas ma dad lha gzhan bsten pa la/ /nga yi gsang sngags bstan na phung bar 'gyur/ /zhes dang / phyag rdor dbang bskur ba las/ 'jam dpal gang dag byang chub kyi sems bsgom pa la zhugs pa dang / gang gi tshe de dag gi byang chub kyi sems bsgrub par gyur pa de'i tshe/ 'jam dpal byang chub sems dpa'i gsang sngags kyi sgo dpyod pa'i byang chub sems dpa' de dag ye shes chen por dbang bskur ba'i gzungs sngags kyi dkyil 'khor 'dir gzhug par bya yi/ gang de dag gis byang chub kyi sems rdzogs par ma gyur pa de dag ni mi gzhug go /de dag la ni phyag rgya dang sngags bstan par mi bya'o/ /'jam dpal mtshams med pa lnga byas pa ni sla'i/ dam tshig mi shes pa