[A:7b]dang / lus yongs su ma sbyangs pa dang / byang chub kyi sems bsgom pa ma grub pa la ston pa ni de lta ma yin te/ 'jam dpal sems can de dag gi mdun du ni nam yang tshig tsam brjod par mi bya'o/ /zhes sogs dang / slob dpon rin po che'i dbang chu las/ gang zag rim gyis pa dang / cig car ba'i rigs can gnyis ka la'ang sems bskyed la gzung bar bya'o zhes 'byung ba dang / ljon shing las/ de ltar cig car du 'jug pa zhes bya ba yin mod kyang / bla ma gong ma rnams kyi phyag len gyi brgyud pas thun mong ma yin pa'i skyabs su 'gro ba dang sems bskyed pa tsam sngon du mdzad pas zhes gsungs nas/ 'di nyid kyi cho ga dang bslab bya sogs rgyas par bshad pa dang 'gal zhes gsung zhing / rje dkon mchog lhun grub nyid kyis mdzad pa'i tshangs pa'i rig sngags kyi don bsdus don brgyad pa las/ rje btsun mched kyi dbang chu dang / /mngon par rtogs pa ljon shing las/ /dbang bskur sngon du skyabs 'gro dang / /sems bskyed sdom pa 'bogs so zhes/ /gsungs pa de la lag len zhig /sa skya'i chos na yod dam med/ /yod na de yi brgyud pa gang / /med na khungs nas med pa 'am/ gsar du chad pa gang yin brtag /dang po ltar na sku mched kyis/ /de ltar bshad pa ming tsam las/ /nyams len rim par ma byung phyir/ /byang chub sems mchog ma bskyed la/ /gsang sngags bstan na phung ngo zhes/ /rdo rje 'chang gis bkag pa de/ /rje btsun gong mas bsgrub mdzad dam/ /phyi ma ltar na dbang yod kyang / /sngon 'gro'i sems bskyed chad do zhes/ /chos