[A:8a]dang mthun par smra nus sam/ /rang la khyab pa bsgrub byas nas/ /phyogs chos gzhan la sbyor ram ci/ /gang ltar byas kyang byang chub sems/ /ma bskyed pa la dbang bskur ba'i/ /nyes pa khyod kyi thog tu babs/ /byed na de yis nyes pa ci/ /brgyud pa med pa'i sems bskyed cig /mi 'dod bzhin du khas len nam/ /thun mong min pa'i skyabs 'gro dang / /sems bskyed cho ga byed pa la/ /dbu ma'i lugs kyi sems bskyed pa/ /lam 'bras pa la med do zhes/ /rnam par dpyod la 'brel ci zhig /ces gsungs pa yin no/ /don tshan dang po 'di la paN chen dang / thams cad mkhyen pa dkon mchog lhun grub kyis/ spyir dbu ma lugs kyi sems bskyed lam 'bras brgyud pa la med ces pa phyogs sngar bkod nas de'i lan 'debs kyang mdzad mod/ mus srad pa'i chu rgyun bzhi par ni de 'dra dngos shugs gang la'ang bshad pa mi snang la/ gzhan yang dkon mchog lhun grub kyis yi ge de'i steng nas chen po sus kyang byas pa med ces pa ngor chen gyi gsung gang na'ang med ces sogs kyi lan mdzad pa ni yi ge ma dag pa zhig gzigs pa'i gsung du snang ste/ mus srad pa'i chu rgyun bzhi par lan de ltar mdzad dgos pa'i rtsod pa mi snang bas so snyam du sems te dpyad par bya'o/ /yang gong gi de'i lan du tshar chen chos kyi rgyal po blo gsal rgya mtshos gsung ngag rin po che'i skabs brgyad la 'khrul pa spong ba rdo rje'i 'khrul 'khor gyi zegs ma zhes bya ba mdzad pa'i nang du/ byang chub sems bskyed med pa dang / /rjes 'dzin mang po med pa dang /