[A:81a]don ma las dbang rtags ni lha thams cad la blangs na gtso bo lnga la sku rdo rje rnam snang la sogs pa'i rigs lnga/ 'khor rnams la rang gi gtso bo'am/ yang na thams cad kyi dbu la gnas lngar rdo rje rtsa lnga pa re re bsam mo zhes dang / 'phags pa rin po ches gtso bo lnga la rdo rje sems dpa'/ pho brang gi 'khor rnams la rang rang gi gtso bo/ skye mched kyi lha rnams la rang rang gi kha dog dang mthun pa'i rigs bdag khro bo bcu la srung 'khor gyi skabs nas 'byung ba bzhin rigs kyi bdag pos dbu brgyan par bsam mo zhes gsungs pa yin no/ /'o na bshad pa gnyis po ma mthun pas 'phags pas gsungs pa de mi 'thad do zhe na/ mi mthun par snang ba ni brgyud pa'i man ngag med par yi ge la thug 'phrad du byas pa'i smra ba de 'dir rdo rje sems dpa' ni rigs lnga po rang rang gi rgyu rdo rje 'dzin pa yin pas rang rigs kyi rgyas gdab pa yang yin la/ rdo rje sems dpas rgyas gdab pa'ang yin pas don gcig yin no zhes 'byung ngo / de'i lan du paN chen rin po che'i rnam thar sgo brgyad par/ 'di'i lan ni don tshan bdun gyi sgo nas mgo smos pa tsam gyis go bar bya ste/ 'di ltar kha sbyor rtsa 'grel du rgyas gdab kyi dngos bstan med kyang / man ngag lugs la rgyas gdab tu sbyor dgos pa/ de'i rgyab brten du man ngag snye ma dang / phyag rgya bzhi pa'i lung sbyar ba/ rgol bas phyag rgya bzhi pa'i khungs ma mthong bzhin du pho brang drug gi khungs su bshad pas pho tshod kyi rang bzor bstan pa/ lha thams cad la rdo rje sems dpas dbu brgyan pa dang / sras don ma las