[A:84b]seng ma las rdo rje yi/ /theg pa dgongs pa du ma bzhes/ /gsungs pa de nyid mthong na yang / /mkha' 'gros byin rlabs birWa sogs/ /grub thob rnams la brten dgos zhes/ /'di 'dra ma mthong rgyud don rnams/ /rang dgar rtog ge'i rigs pas 'chad/ /birWa'i snyan brgyud zab mo rnams/ /rgyud dang rgya gzhung 'gal lo zhes/ /'brel med tshig 'di gzhan lugs bzhin/ /snyan brgyud yi ge med pa'i rtags/ /de yi zin so mkhas pas khrel/ /'khor lo drug pa'ang lnga po bzhin/ /don gyis bstan zhing ma bstan na/ /khyed kyi rgyud don ji ltar 'chad/ /khyad par rgyas btab zur du gsungs/ /'gal yang snyan brgyud ga la gnod/ /'khor lo drug pa man ngag lugs/ /gdan sogs yi ger shin tu gsal/ /dbu rgyan rang chas zer ba de/ /snyan brgyud med pa'i bab col yin/ /gsung ngag ma rdzogs rang rigs sogs/ /rgyas gdab dgos pa snying po de/ /zhib tu gsang gtam mi sgrog go /zhes gsungs la/ sgyi chu ba buddha shrI'i nor bu'i phreng bar phyogs snga ma'i rjes su zlos pa shes pa'ang ngo mtshar che mod/ des kyang da dung skabs don 'grub pa ma yin te/ sras don ma'i rgyas gdab ni rgyas gdab rdzogs pa'i skabs la dgongs pas 'phags pa'i lugs ltar byed dgos te/ snyan brgyud kyi skabs tha dad pa yin pa'i phyir/ man ngag dang ldan pa'i bshes gnyen la gtugs shig ces pa tsam las yang lan rgyas pa ma mdzad la/ de ltar mkhas pa so so'i bshad tshul de dag las/ paN chen gyis lha thams cad la rdo rje sems dpas dbu brgyan pa dang / sras don ma