[A:85a]las bshad pa'i khyad par dbu rgyan rang chas can dang / dbang dngos su blangs pa'i khyad par du bstan pa zhes gsungs pa 'di dang / tshangs pa'i rig sngags las sras don ma'i phyogs phyi ma ni dbu rgyan rang chas can du bsgom pa'i don yin zhes 'ga' zhig smra yang / de'i don dmigs pa bsgom sla ba'i phyir yin zhes gsungs pa gnyis cung zad ma mthun zhing / tshar chen chos kyi rgyal po'i gsungs dang tshangs pa'i rig sngags kyi de dag dgongs pa mthun par snang la/ mkhan chen bzang bkras pas tshangs pa'i rigs sngags kyi bzhed pa bkod pa'i skabs su/ sras don ma yi phyi ma ni/ /dbu rgyan rang chas don yin zer/ /zhes pa dang / de ltar 'gog pa na/ dbu rgyan rang chas zer ba de/ /snyan brgyud med pa'i bab col yin/ /zhes gsungs kyang / tshangs pa'i rig sngags na sras don ma'i bshad tshul phyi ma dbu rgyan rang chas can du 'ga' zhig 'dod kyang zhes gsungs nas de mi bzhed pas phyogs snga ma longs pa'i sun 'byin du song 'dug go /phyag rgya bzhi pa'i dngos bstan la ni pho brang lnga pa ma gtogs drug pa gsal ba rang ma byung la/ mkhan chen bzang bkras pa'i gsungs las/ 'khor lo drug pa'ang lnga po bzhin/ /don gyis bstan zhing ma bstan na/ /khyed kyis rgyud don ji ltar 'chad/ /ces gsungs pas rdzong lugs la pho brang dang po lnga gsal bar bstan pa'i shugs la/ drug pa ni/ kun gyi dbang bskur zhes sogs kyi tshigs bcad gcig gis pho brang dang / de'i gtso bo dngos su bstan pa'i shugs la rtsa 'dab kyi grangs