[A:85b]dang / 'khor gyi lha mo sogs bstan gsung rgyur snang ngo / /de ltar phyogs gnyis po bshad tshul cung zad mi 'dra ba'ang legs par brtags na/ mus srad pa chen pos sras don ma dang / 'phags pa'i gsung la 'gal spong mdzad pa de ni ngor lugs la'ang bzhed par snang bas/ gong ma'i dgongs don la gnyis ka zhugs sam snyam ste dpyad par bya'o// //brgyad pa bza' ba'i dam tshig yod med kyi rnam gzhag la/ mus srad pa chen po'i rnam bshad chu rgyun bzhi par/ bza' ba'i dam tshig med pa rnams/ /zhes pa'i rgyas bshad du mang du gsungs pa'i snying po blangs nas bkod na/ yang kha cig dbang bskur rab gnas kyi dus su sdom brtson rab byung rnams kyis tshogs 'khor mi byed de/ sa skya paNTi tas bkag pa'i phyir ro zhes pa phyogs sngar bkod nas sun 'byin pa na/ chos rje rang gi lugs dang / rje btsun gyi lung dang 'gal tshul brjod pa'i tshe/ chos rjes rab byung la dpa' bo'i ston mo dgos par gsungs shing / dpa' bo'i ston mo tshogs 'khor gyi dbye bar mngon rtogs ljon shing las gsungs shing / chos rje rang gis kyang gsungs/ phyogs snga ma ni dus khyad par can gyi tshe dpa' bo'i ston mo'ang mi byed pas bza' ba'i dam tshig las nyams shing / chos rjes bshad pa 'di klu sgrub nas/ jo bo rje dang kha che paN chen sogs kyi lugs yin par bshad pas/ sa skya pa'i rang lugs ma yin gsungs/ dus khyad par can gyi tshe rab byung gis tshogs 'khor ma byas na rtsa ltung bcu gsum par 'gro ba de 'khrul spong gi dgongs pa yin zhes pa dang / dus khyad