[A:86a]par can gyi bza' ba'i dam tshig dang / dus rgyun du bsten pa'i dam tshig gi khyad par ma phyed ces sogs kyis rgol ba mdzad do/ /de dag kyang ngor lugs kyi bshad tshul gang la ched du rgol ba yin snyam na/ rje rdo rje 'chang kun dga' bzang po'i tshogs kyi 'khor lo'i cho ga kun bzang rnam rol las/ gnyis pa gang zag mchod pa'i yo byad la/ rnal 'byor pa nus ldan dang / rab tu byung bas mchod pa'i rdzas gnyis kyi/ dang po ni/ Dombhi he ru kas/ de la sha dang chang dag dang / /zhes sogs dang / snying po rgyan du/ chang ni dpa' bos ma spyad par/ /zhes sogs drangs pa dang / gnyis pa ni bu ram dang / bu ram gyi lbu ba dang / zhun mar la sogs pa so sor thar par/ phyi dror gnang ba'i rdzas rnams sha lnga bdud rtsi lngar byin gyis brlabs nas longs spyod kyi/ thabs shes kyi rdzas la longs spyod pa ma yin no/ /'o na tshogs 'khor gyi gzhung rnams las thabs shes kyi rdzas gnyis la longs spyod par bshad pa dang 'gal lo zhe na/ de ni rnal 'byor pa chang 'o mar bsgyur nus pa la sogs pa nus pa dang ldan pa'i dbang du byas pa ste/ dri med 'od las/ gang dag gis sngags kyi stobs kyis sam zhes sogs 'dren par mdzad nas/ dge slong dang dge tshul chang 'o mar bsgyur ba'i nus pa dang mi ldan pa la ni rdzas de dag lce la reg pa tsam ma gtogs longs mi spyod par/ 'phags pa klu sgrub yab sras dang / thogs med sku mched/ kha che paN chen sogs kyang bzhed par chos kyi rje sa skya paNDi ta'i tshogs 'khor du bshad la/ dus