[A:86b]'khor dang sdom 'byung gi lung 'dren byas pa'i rjes su/ thar pa don du gnyer ba'i sgrub pa po rnams kyis phyi rol pa'i mchod sbyin dang mtshungs pa'i sha chang kho na la longs spyod pa'i 'jig rten pa'i dga' ston la tshogs kyi 'khor lo'i ming gdags par mi bya'o zhes gsungs pa dang / gsang ba kun rgyan las 'di rab tu byung ba sdom brtson rnams kyis tshogs 'khor byed na gong 'og gi cho ga rnams 'dra ba las/ dam tshig blangs te lce la reg pa tsam bya/ bu ram dang sbrang rtsi dang zhun mar rnams sha lnga bdud rtsi lngar byin gyis brlabs la nang gi sbyin sreg gi tshul gyis bza'o/ /rnal 'byor pa rnams kyis kyang dam tshig gi rdzas la ran par longs spyod kyi/ chang myos kyi bar du 'thung ba dang / kha zas ha cang brgyags par longs spyod pa ni tshogs 'khor gyi skabs kyi dgag bya yin la/ khyad par bsad sha la longs spyod pa ni theg pa chen po'i mdo rgyud mtha' dag las bkag pas/ dgra nag dang / a ra lli'i rgyud las bshad pa ltar ba glang sogs rang shi ba'i sha kho na dam rdzas su bzung ngo / de ltar mchod pa dang longs spyod la tshim par longs spyad/ zas la dpyas mi gdags par mang du bza'/ skom ji snyed pa btung zhes sogs gsungs pa rnams la rgol ba yin no/ de ltar kun bzang rnam rol dang / gsang ba kun rgyan las bshad tshul la/ mus srad pa rdo rje rgyal mtshan gyis lung rigs kyi dpyad pa mdzad pa de'i lan du/ paN chen rin po che'i rnam thar sgo brgyad par/ rgol ba'i tshig gi dngos bstan la nang 'gal mang bas yid brtan mi rung bar bstan pa dang / dgos pa khyad par