[A:87a]can dang tshogs kyi 'khor lo bskor ba'i nus pa yod med kyi sgo nas dngos lan gdab pa gnyis su mdzad nas/ dang po la 'dir rgol ba'i tshig la chos rjes gsungs pa'i dpa' bo'i ston mo de tshogs 'khor mtshan nyid par rje btsun chen pos bzhed mi bzhed gnyis cig car du smras byung / sa paN gyi bzhed pas 'khrul spong bkag pa'am/ yang na 'khrul spong gi rtsa ltung bcu gsum pa'i ngo bo nyid rnam par gzhag pa des chos rje'i dpa' bo'i ston mo bkag zer ba gnyis cig car du smras byung / phyogs snga ma dpa' bo'i ston mo la tshad mar byed na rje btsun dang 'gal zer ba dang / rje btsun yang dpa' bo'i ston mo tshogs 'khor du bzhed zer ba gnyis ka byung / rje btsun dpa' bo'i ston mo tshogs 'khor du mi bzhed na de bza' ba'i dam tshig ma yin par thal/ dus khyad par can gyi dang rgyun du ba gang yang ma yin pa'i phyir zhes brjod pa mtha' dag khyed rang la 'khor byung zhes gsungs shing / gnyis pa la phyogs snga mas dbang rab gnas sbyin sreg gi tshe dpa' bo'i ston mo mi byed pa'i rgyus yod nas sus khyed la bshad/ phyogs snga ma kha zas kyi rnal 'byor dang bdud rtsi myang ba 'od dpag med kyi yan lag sogs mi bzhed pa ci/ rgyun gyi bza' ba'i dam tshig gis dus khyad par can gyi de med pa'i dgag bya mi khegs na dus khyad par can de dus rgyun du ba'i cha shas su mi gtogs pa yin nam/ spyir sdom brtson rdo rje 'dzin pa sa ma thob pa sogs lta zhog sbyangs rtogs sbar gsum mi nus na khyim pa'i rdo rje 'dzin pas kyang tshogs 'khor rdzogs pa la longs spyod pa na zag med