[A:87b]kyi dga' bdes lus sems tshim par byas pa yin nam/ zag bcas kyi des de ltar byas pa yin brtags na rnam rtog dang bcas pa'i dga' bde ni tha mal gyi lam mo/ /de dang bral ba'i dga' bde ni rdo rje 'dzin pa'i lam mo/ /de la sbyangs pa zhes bya ba ni tha mal gyi sha chang sogs lta ci/ rang nyid lhar gsal ba'i ye shes kyi ngo na tha mal gyi snang ba tsam yang med pa'o/ /de ltar na'ang sangs rgyas ma thob kyi bar du rnal 'byor pa rang gi rnam shes la'ang tha mal pa dang mthun par snang ba ni zlog mi nus pas na gzhi mi spong ba zhes dang / sgyu ma lta bur snang ba zhes pa de yin no/ /rtogs pa ni tshogs rdzas lta zhog bdag dang snang ba thams cad chos dbyings bde chen du ro gcig pa'o/ /de'i rgyu mtshan gyis de dus kyi rnam rol thams cad chos dbyings dang mnyam par spro nus pa ni sbar ba zhes pa yin no/ /'dir sdom brtson rdo rje 'dzin pa bsnyen pa rdzogs pa bstan pa'i bdag por gyur pa ni sa la gnas kyang shin tu spros med kyi spyod pa spyad pa nyid kyis/ tshogs 'khor sogs spros bcas kyi spyod pa ma mdzad pa'i nyes pas cung zad kyang ma gos par mchog gi dngos grub thogs med du 'grub pa yin te/ 'phags mchog klu sgrub dang slob dpon chen po zhi ba lha bzhin no zhes gsungs so/ yang tshar chen rin po ches rdo rje'i 'khrul 'khor gyi zegs mar mus srad pa'i bzhed pa bskyar ba'i rjes su zhes zer ba rnams rim pa bzhin mi 'thad de/ ngor lugs la bza' ba'i dam tshig yod par thal/ bdud rtsi ril bu bsten pa de bza' ba'i dam tshig yin pa'i phyir te rgyun gyi de yin pa'i phyir/ ri bong rwa