[A:88a]tshogs kyi 'khor lo yin par thal/ khyad par gyi bza' ba'i dam tshig tshogs 'khor yin pa'i phyir/ shes bya rtag par khas blangs na shes bya la rtag pas khyab pa khas len mi dgos pas dgongs par zhu/ gzhan yang dpa' bo'i ston mo med par thal/ de yin na bza' ba'i dam tshig yin dgos pa las rgyun gyi de ni yin don med/ khyad par gyi de min te tshogs 'khor min pa'i phyir/ der thal/ rje btsun gyis/ tshogs kyi 'khor lo/ dpa' bo'i ston mo/ dpa' mo'i ston mo zhes de gsum mi 'dra ba tha dad du bshad pa'i phyir/ ma yin te de gsum ming gi rnam grangs so snyam na/ de ltar na dpa' mo'i ston mo'ang dpa' bo'i ston mor 'gyur zhing / dpa' mo'ang dpa' bor 'gyur ba sogs brjod kyis mi lang bas 'di 'dra'i grub mtha' mi 'dzin par gsol ba 'debs so zhes gsungs so/ /yang thams cad mkhyen pa dkon mchog lhun grub kyis tshangs pa'i rig sngags su/ rgol ba'i tshig la nang 'gal mang ba/ gong ma'i gsung la dogs pa dpyad pa/ dngos lan gdab pa 'phros dang bcas pa ste gsum du mdzad cing / dang po la'ang rgol bas dngos brtags ma phye bas sa paN gyi gsung la nang 'gal bsgrub/ spyi gsal 'dres pas rje btsun gyi gsung la nang 'gal bsgrub/ cal col mang bas klu sgrub sogs rtsa ltung can du bsgrub pa dang gsum du gsungs nas/ dang po la ljon shing las tshogs 'khor gyi dbye bar bshad pa'i tshogs 'khor yin na/ sa skya pa rang lugs kyi de yin dgos par thal/de las bshad pa'i tshogs 'khor yin na