[A:88b]sa skya pa rang lugs kyi de yin dgos pa'i phyir/ rtags khyab grub mtha' la song / 'dod na/ chos rjes bshad pa'i dpa' bo'i ston mo chos can/ der thal/ de'i phyir/ 'khor gsum char la lan med do/ /gzhan yang de chos can/ rnal 'byor pas bya ba'i tshogs 'khor yin par thal/ ljon shing las gsungs pa'i tshogs 'khor mtshan nyid pa yin pa'i phyir/ rtags khas/ 'dod na ma yin par thal/ rab byung gis bya ba'i dpa' bo'i ston mo yin pa'i phyir/ khyab pa ni rnal 'byor pas bya ba'i tshogs 'khor mtshan nyid pa dang / rab byung gis bya ba'i rjes mthun pa gnyis so sor phye bas grub gsungs/ gnyis pa la/ rje btsun gyis bshad pa'i dpa' bo'i ston mo de tshogs 'khor mtshan nyid pa yin na/ de dpa' bo dang dpa' mo gnyis ka tshogs pa'i tshogs 'khor yin par 'dod dgos/ gzhan yang phyogs snga ma ni dus khyad par can la dpa' bo'i ston mo tsam yang mi byed ces pa'i yang sgras gang 'don smra dgos so gsungs la/ gsum pa la dus khyad par can la rab byung gi tshogs 'khor ma byas na rtsa ltung 'byung ba 'khrul spong gi dgongs pa yin na/ klu sgrub nas chos rje'i bar thams cad kyis dus khyad par can gyi tshe/ tshogs 'khor mtshan nyid pa dang rjes mthun pa gnyis kyi zlas phye ba'i rjes mthun pa kho na mdzad pas na thams cad rtsa ltung can du 'gyur zhing / gzhan yang khyod kyis kho bo cag dbang bskur sogs kyi tshe dpa' bo'i ston mo tsam yang mi byed pa nges pa can su las thos/ khyed ltar du mi byed pa dang / tshogs 'khor mi byed par grags pa tsam la ni nges pa med par