[A:89a]gsungs shing / gnyis pa gong ma'i lung la dogs pa dpyad pa la/ ljon shing las dpa' bo'i ston mo tshogs 'khor gyi dbye ba'i ya gyal du bshad kyang / de yin na dbye gzhi de yin mi dgos te/ bden gnyis kyi dbye gzhi 'jig rten pa'i blo tsam dang shes bya tsam yin kyang / don dam bden pa de gnyis gang yang ma yin pa bzhin no/ /des na tshogs 'khor gyi ya gyal du bshad pa thams cad tshogs 'khor mtshan nyid par rje btsun bzhed na/ tshogs 'khor la rnal 'byor pho mo 'tshogs dgos par rje btsun nyid kyis bshad pas nang 'gal bar 'gyur zhing / de gnyis ma 'tshogs na tshim pa drug dngos su byar med pas tshogs 'khor mtshan nyid par mi 'gyur la/ mdor na tshogs 'khor mtshan nyid pa dang rjes mthun pa ni tshim pa drug dngos su byar yod med kyis phye zhing / de'i phyir las rgya la brten nas rdzogs rim gyi ye shes dngos su bskyed de lus sems lhan skyes kyi bde bas tshim par nus pa'i rnal 'byor pa kho nas tshogs 'khor bya ba dang / de 'dra'i nus pa med na khyim pa rdor 'dzin yin yang chags pa'i rnam rtog dang bcas pa'i phyir tha mal pa'i 'dzag bde yin gyi/ 'gyur med kyi bde ba ma yin pas tshogs 'khor mtshan nyid pa byar med pa dang / rab byung rdo rje 'dzin pa ni ji tsam bzang yang bstan pa la gces spras su bya ba'i phyir spros bcas kyi spyod pa dngos su mi mdzad pa yin no/ 'di la dgongs nas mkhyen rab dbang phyug gis rnal 'byor pas bya ba'i tshogs 'khor mtshan nyid pa dang / rab byung gis bya ba'i tshogs 'khor rjes mthun pa gnyis