[A:98b]su phye nas gsungs pa dang / Dombhi he ru kas kyang dpa' bo dang bral ba'i dpa' mo dang / dpa' mo dang bral ba'i dpa' bo dag gis tshogs kyi 'khor lo bskor bar mi bya'o zhes gsungs/ 'khrul spong las tshogs kyi gral du thun mong gi rgyu bzhi gang rung sngon du 'gro bas tshogs rdzas stob pa mi gtsang ba'am/ sdom pa 'og ma'i bcas pa dang 'gal du dogs nas dang du mi len na rtsa ltung du bshad ces sogs gsungs la/ gsum pa dngos lan gdab pa 'phros dang bcas pa la skabs don dngos lan dpyis phyin pa dang / 'khrul med kyi lung khungs rgyas par bshad pa gnyis su mdzad nas/ dang po la rje thams cad mkhyen pa nyid kyis mdzad pa'i bla chen chos rin dpal ba'i dris lan de nyid kyis 'di'i lan yang thebs pas zhes gsungs nas/ chen po chos rin gyi dri lan rdo rje 'chang kun dga' bzang pos mdzad pa de 'god par mdzad la/ gnyis pa la tshogs 'khor mtshan nyid pa rnal 'byor pas bya dgos pa'i lung / rab byung gis de bya mi rung ba'i lung / tshogs rdzas kyi sha chang rgyud sde las bshad pa dgos pa'i lung dang gsum du mdzad nas/ dang po la/ 'o na tshogs 'khor mtshan nyid pa byed pa la nges par rnal 'byor pa nus pa dang ldan pa dgos par gang nas bshad ce na zhes gsungs nas/ dus 'khor 'grel chen gyi lung rgyas par 'dren par mdzad do/
/gnyis pa la sbyangs rtogs sbar gsum nus pa'i rab byung gis tshogs 'khor byas pas skyon med do snyam na zhes gsungs nas bde mchog stod 'grel gyi lung drangs nas/ des na de lta bu'i nus pa dang ldan pa'i rab