[A:90a]byung gis tshogs 'khor byas na rang nyid la nyes pa mi 'byung yang / gzhan ma dad pa sogs kyis bstan pa la gnod pa spang ba'i phyir dngos su mi mdzad pa yin no/ de ltar na bza' ba'i dam tshig nyams par 'gyur ro snyam na/ dus khyad par can gyi tshe ni/ chos rje sa paN gyis gsungs pa ltar rjes mthun pa byas pas chog rgyun gyi de la ni bdud rtsi ril bu bsten pas dgag bya de khegs te zhes gsungs nas 'grel chen de'i lung 'dren par mdzad do/ /gsum pa la spyir rdo rje theg pa'i mchod pa dang tshogs rdzas sogs kyi sha ni kha na ma tho ba med pa zhig dgos gsungs nas bde mchog stod 'grel dang / dus 'khor 'grel chen dang / gsang 'dus 'grel chen sgron gsal rnams kyi lung 'dren par mdzad nas/ de bzhin du rnal 'byor pas bsten bya'i chang yang sdom 'byung nas 'byung ba ltar dgos kyi/ ci rung gi chang tshogs rdzas su bshad pa med do/ /de ltar bshad pa'i sha chang dag kyang dpa' bo'i ston mo sogs kyi tshe lha'i rnal 'byor brtan po dang ldan pas cung zad brten pa yin gyi/ ha cang rgyags pa dang ting nge 'dzin brtan po dang mi ldan pa'i las dang po pas cho ga shes pa'i rgyu mtshan gyis ci dgar 'jug pa dang / 'dzag bde don gnyer gyis phyag rgya bsten pa bkag gsungs nas/ dus 'khor dang / de'i 'grel pa dang / slob dpon dznyAn kIrti rnams kyis lung 'dren par mdzad nas/ de bas na gnas skabs su bya ba'i khyad par 'di la snyad btags te bag med par spyod pa dag ni lhag spyod kyi ting nge 'dzin bsgom pa'i rnam par thar pa dang kun du mtshungs