[A:90b]pa'o zhes gsungs shing / de'i don bsdus don brgyad pa las/ mkhyen rab dbang phyug sa paN gyis/ /bshad pa'i rab byung ston mo des/ /khyad par can gyi bza' ba yi/ /dgag bya de dag khegs nus sam/ /nus na nged cag sdom brtson rnams/ /chos rjes bshad pa de byed na/ /bza' ba'i dam tshig med pa zhes/ /'brel med smyon de su la smra/ /tshul des dgag bya mi khegs na/ /klu sgrub nas ni chos rje sogs/ /tshad ldan sdom brtson mtha' yas pa/ /rtsa ltung can du khyed sgrub bam/ /mdor na tshogs 'khor ma byas pa/ /rkyang pas rtsa ltung 'byung ba de/ /gong ma'i gsung rab gang na bzhugs/ /khyed dag tshogs 'khor byed do zhes/ /kun la rlung ltar sgrog byed na/ /rje btsun gong mas tshogs 'khor la/ /dpa' bo dpa' mo gnyis tshogs dang / /tshim pa drug sogs bshad pa yi/ /mtshan nyid tshang bar khyed byed dam/ /tshogs 'khor mtshan nyid ma tshang na/ /btags pa ba las 'da' ba med/ /de ltar 'dod na khyed nyid kyis/ /tshogs kyi 'khor lo ma byas phyir/ /rtsa ltung can du khas longs shig /de phyir rang la skyon brjod pa/ /nges par smyon pa nyid du bas/ /gal te de dag kun byed na/ /phyag na rdo rje'i stod 'grel las/ /chos gos 'dzin pa rnams la ni/ /bla mas tshig gis bstan par bya/ /gzhan du bla ma dam tshig ni/ /nyams par 'gyur zhes gang gsungs pa'i/ /gzhan gyis ma 'khur sdig pa yi/ /khur de khyed cag 'khor ram ci/ /gzhan yang dus 'khor rgyud 'grel sogs/ /tshad ldan rnams las rab byung gis/ /de ltar byed pa rgyas par