[A:9a]yang med cing / phyag len gyi khyad par ches khungs btsun zhing rnam par dag par 'gyur ba yin no zhes gsungs so/ /de ltar ngor lugs kyi bstan 'dzin dag gis mus srad pa chen po'i sems bskyed brgyud pa med pa dang zhes pa'i lan 'debs mdzad pa de rnams dang / khyad par mkhas pa'i dbang po dkon mchog lhun grub kyis mdzad pa'i brgal lan tshangs pa'i rigs sngags kyi yang lan du/ ngam ring mkhan chen chos rje bzang po bkra shis pas snyan brgyud 'khrul sel zhes bya ba tshigs bcad ma zhig mdzad pa de nyid las/ sgo rum rnyed dam min yang rung / /mkhan chen shes rab rdo rje bas/ /bla ma bcu phrag lhag pa las/ /rje yi bka' 'bum kun gyi lung / /gsan pa gang na'ang de 'dra med/ /sdom rgyun yod pa'ang bsgrub bya yin/ /gzhan yang mtha' gzhan bkag pas shes/ /des na de 'dra'i cho ga ni/ gsar du gzhan gyi byas par nges/ dbang gi sngon du ljon shing las/ /sems bskyed cho ga bshad na yang / /phyag len nub par mkhas rnams bzhed/ /ces pa dang / lam 'bras 'chad las gzhan pa'i dus/ /sngon du de 'dra'i sems bskyed kyi/ /cho ga med par dbang bskur ba/ /khyed rang 'dod pa dran par gyis/ /sta gon 'jug pa'i gnas skabs su/ /sems bskyed gsung phyir dogs 'di med/ /gsum la skyabs 'gro la sogs pa/ /'khrul spong nyid las ji skad du/ /smon 'jug sems bskyed blangs bar bya/ /de ni gud du blangs kyang rung / /ma blangs kyang ni sta gon gyi/ /skabs su 'byung zhes gsungs pa 'dis/