[A:91a]bkag /chos rjes bshad pa'i ston mo de/ /dpa' bo'i ston mor khas blangs shing / /dpa' bo'i ston mo rje btsun gyis/ /tshogs 'khor dbye bar bshad ces pa/ /gnyis ka cig car khas blangs nas/ /chos rjes bshad de sa skya pa'i/ /rang lugs min zhes smra byed pa/ /'di yang 'gal ba ltag sprod yin/ /khu dbon gnyis ka bzhed pa de/ /sa skya'i chos su mi rung na/ /sa skya'i chos kyi mtshan gzhi ni/ /kun mkhyen gyis kyang rnyed mi nus/ /sa paN 'gegs pa'i sa skya pa/ /rnying pa de dag ches cher blun/ /de phyir phyi dro'i kha zas dang / /sha chang ro la rngams pa yi/ /zol gyis tshogs 'khor byed do zhes/ /'jig rten pa rnams rmongs byed pa'i/ /'dod ldan de dag lhag spyod kyi/ /ting 'dzin bsgom pa ji bzhin no/ /zhes gsungs so/ /de rnams kyi yang lan du mkhan chen bzang bkras pas snyan brgyud 'khrul sel las/ /'dod lan thebs pa'i thal 'gyur la/ /'khor gsum rigs pa shes pas khrel/ /pho mo tshogs pa rnams gnyis te/ /gang zag phal la grags pa dang / /rdor sems bsgom pa'i ting 'dzin gyi/ /lha dgu la sogs dkyil 'khor dang / /dpa' bo dpa' mo rnams kyang yod/ /de ltar min na tshogs 'khor gyi/ /tshim pa lnga yang dka' bar gnas/ /rtsa khams dpa' bo dpa' mo ru/ /gdod nas grub par khyod nyid 'dod/ /gzhan yang tshogs 'khor rtsod spong las/ /phyi nang mkha' 'gro zhes kyang gsungs/ /rtsa ltung 'byung dang mi 'byung ba/ /klu sgrub la sogs sdom las grol/ /de lta min na de bzhin byung /