[A:91b] /'on kyang lugs gnyis so sor nges/ /bu ram phyi dro 'dod pa dang / /mi 'dod 'gal ba med pa bzhin/ /gcig tu nges na ha cang thal/ /don dam shes byar khas len pa'i/ /dpe de da dung bsgrub bya yin/ /zhes dang / 'o na sngon gyi lam 'bras pa/ /kye rdor dbang zhus thams cad la/ /lhan cig skyes pa'i ye shes gang / /dngos su skye bar 'dod dam ci/ /lo rgyus kun las tshogs 'khor bshad/ /khyad par grub chen buddha shrIs/ tshogs 'khor mdzad pa'i rnam thar ltos/ /rab byung tshogs 'khor mi rung na/ /dge slong dpa' bo rdo rje de/ /tshogs 'khor gshegs pa'ang mi bden nam/ /'di rnams bod rnams byung rgyal smras/ /tshim pa drug pa'i nyams len dang / /mchog dbang gsum po mtshungs pa'i phyir/ /tshogs 'khor bzhin du de la yang / /dngos btags gnyis su 'byed dgos 'gyur/ /tshogs 'khor dbang bskur gnyis ka la/ /dngos btags 'byed na rtog bzo yin/ /zhes pa dang / 'di dag gnad kyi snying po'i lan/ /rje yi rtsa ltung 'khrul spong las/ /rab byung phyi dro mi za ba'ang / /bcu gsum pa yi ltung bas 'jig /cung zad 'thung zhing kha zas bsten/ /snod min drung du rab byung la/ /de skad smra na rtsa ltung gsungs/ /tshogs 'khor dus su rab byung gis/ /bslab pas bcings nas chang 'thung dang / /phyi dro'i kha zas bsten pa yis/ /ltung ba byung dogs ma bsten pa/ /rtsa bar gsungs shing nad pa yis/ /reg pa tsam las mi bsten yang / /nyes med ril bu bsten pa ni/ /'di yi skabs ni min zhes gsungs/ /gal te gong du bshad pa