[A:95a]bzhed cing / tshogs rdzas kyi sha chang sogs la'ang dgag pa byas na rtsa ltung bcu gsum pa 'byung bas bkag cha mi mdzad do/ /de la rang gi blo'i shar tshod ltar na lugs gnyis char gyi bzhed pa mthun par byung ba de dag ni rje btsun chen po'i ljon shing dang / chos rje sa skya paNDi ta'i tshogs 'khor gyi yi ger bshad pa rnams kyi dgongs pa bla na med par snang la/ dbang gsum pa dang tshogs 'khor gyi tshim pa drug pa'i skabs phyag rgya la brten tsam zhig mtshungs na'ang / dbang gsum pa la tshim pa drug ces pa'i tha snyad rje btsun gong ma rnams kyis bshad tshul ji ltar yod/ tshogs 'khor la tshim pa drug dngos gzhi rang du bshad pas rdzong lugs pa'i mkhas pa phyi ma rnams kyis de gnyis kyi mtshungs pa brjod pa 'di cung zad brtag dgos sam snyam zhing / mdor na sdom brtson rnams kyis khyad par gyi bza' ba'i dam tshig nyams su len pa 'di rdzong lugs pa ltar tshogs 'khor mtshan nyid pa yin pa'am/ ngor lugs pa ltar rjes mthun pa gang ltar yang / de'i tshe sdom brtson rnams kyis las rgya dngos su bsten pa lta zhog tshogs rdzas la sha chang sogs rab tu byung ba la spyir bkag pa rnams kyang mi bya ba dang / phyi dro'i zas su gnang ba'i bu ram sogs byed pa'am sha byed kyang bsad sha ma yin pa dang / chang yang lce la reg pa tsam ma gtogs ha cang mang pa mi bsten no zhes spyod pa dog phyogs kyi mtha' bsdams te bag yod du bya ba nyid shin tu legs pa yin te/ de las gzhan du gsang spyod 'chol par spyad na 'jig rten tha mal pa dang mu