[A:95b]stegs 'ga' zhig gi spyod pa dang mtshungs par 'gyur ba dang / rab byung gi bslab pa dang 'gal ba'i sha chang bag med bsten pa sogs byas na de la brten nas khyim pa rnams ma dad pa dang / sngags kyi theg pa la bzhugs pa dag la gzhan gyis brnyas par 'gyur zhing / rgyu de la brten nas sangs rgyas kyi bstan pa la gnod par 'gyur bas na tshul de la nan tan du bya rigs so snyam ste/ don 'di la dgongs te mkhyen rab kyi dbang phyug sa skya paNDi tas tshogs 'khor gyi yo byad la/ rab byung sdom brtson gyi lugs dang / rnal 'byor pa'i lugs gnyis su gsungs pa dang / dang po de 'chad pa na/ gtor ma la sha chang la sogs pa dbul/ sdom brtson rnams kyis lce la bdud rtsi myang ba tsam bya/ gzhan bu ram shing tog la sogs pa la bsang ba sogs gtor ma byin rlabs ltar bya/ sha lnga bdud rtsi lngar bsgoms te zos pas rtsa ltung bcu gsum pa'i nyes pa mi 'byung / sangs rgyas dang byang chub sems dpa' dang ye shes kyi mkha' 'gro rnams kyis byin gyis rlabs te/ gsang ba 'dus pa las/ sha rnams thams cad med na yang / /thams cad bsam pas rnam par brtag /rdo rje sbyor bas zos pa yi/ /sangs rgyas thams cad byin gyis brlabs/ /zhes bya ba dang / sambu Ta las kyang / sha gang yang med na rnam par rtog pas sha'i rang bzhin du byas la 'jig rten pa gang bza' ba de bza' bar bya'o zhes gsungs pa ltar ro zhes dang / tshul de klu sgrub yab sras/ thogs med sku mched/ jo bo rje/ kha che paN chen sogs bzhed par bshad pa'i rjes su sdom brtson rnams