[A:96b]bstan gyi lan du/ 'di dag ni phyogs snga'i nam ma langs par dgag pa'i nyi ma shar ba zhes pa'am/ phyogs snga gzhi med la smyon gtam gsungs pa'i ngal ba 'ba' zhig tu zad de/ 'di ltar de nyid du tshogs kyi 'khor lo bsten du rung mi rung so thar gyi gdung ba'i ngos nas 'jog pa bzhin no zhes pa 'di'ang smyon gtam du snang ste/ de ltar khas len pa po med pa'i phyir/ 'on kyang gang zag gi rigs la ltos nas sdom brtson rdo rje 'dzin pa'i lugs/ de las gzhan pa'i rnal 'byor pa'i lugs gnyis su dbye ba/ rje btsun sa paN gyis bshad pa ltar nged kyi bla ma rnams kyang bzhed/ de tsam gyis tshogs 'khor thams cad so thar gyi ngos nas bzhag par 'gro na khyed rang yang tshogs 'khor so thar gyi bslab bya dang bstun nas khas len dgos te/ nyid kyi lung der sa paN gyi gsung dang 'gal spong gi skabs su 'dir ni so thar la bstun pa che chung gi sgo nas bzhag ste zhes bris pa'i phyir/ gzhan yang rdo rje theg pa yin pas nyan thos kyi bslab pa dang bstun mi dgos na khyed thams cad he ru ka'i cha lugs mi bzung bar rab byung gi cha lugs bzung nas ci byed ces pa dang / yang rdo rje gdan pas snod kyi skyon yon ma brtags par theg pa ches dman pa'i rigs can la dbang bzhi bskur te zab mo'i gnad rnams bstan pa las zhes pa'i lan du spyir snod brtag dgos kyang / khyed ltar na gangs khrod kyi skye bo thams cad gsang sngags kyi snod du gzigs par sems te/ gsang sngags thun mong ma yin pa'i phyag rgya dang gar sogs snod min la gsang dgos pa rnams skye bo thams cad 'dus