[A:97a]par mdzad par snang bas so zhes dang / yang de ni 'dod yon lam du byed pa rdo rje theg pa las 'dod yon spong ba lam du byed pa theg pa gzhan khyad par du 'phags pa yang don gyis 'dod pas zhes pa'i lan du spyir btang tsam la de ltar 'dod mkhan med/ gang zag gi rigs la ltos nas rdo rje theg pa zab pa'i nges pa med de/ /theg dman gyi rigs can la de'i chos kho na zab par klu sgrub kyis nad dang sman gyi dpe dang bcas te gsungs la/ de min na sangs rgyas kyis rdo rje theg pa kho na ci'i phyir mi gsung zhes pa'i lan mdzad cing / yang de lta bu rjes 'brang dang bcas pas lta ba tshogs kyi 'khor lo nyid sngags pa ngan 'gror 'jug pa'i sgor bsam pa ni zhes pa'i lan du/ ngor lugs pas sdom brtson rnams kyis tshogs 'khor gyi tshe sha chang la longs spyod na ltung bas gos nas ngan song du skye bar bzhed pa la de ltar zer na/ 'o na dbang yang ngan song du skye ba'i rgyur 'gyur te/ de thob pa'i gang zag rtsa ltung gi dbang gis ngan song du skye ba yod pa'i phyir/ des na tshogs 'khor sogs kyi tshe spyod pa zhib mor byed pa rnams ltung ba can ltung med du rlom zhing / ltung med ltung ba la sbyor ba'i rgyu yin nam/ sngags la khag btags nas spyod pa 'chol por byed pa rnams rtsing spyod la zhib spyod du rlom zhing / zhib spyod dang du len pa rnams rtsing spyod la sbyor ba'i rgyu yin/ gzur gnas kyis dpyad 'tshal lo zhes bshad do/ yang rdo rje gdan pa chen po'i grub pa'i dga' ston las rgyas par dgag pa'i tshe/ 'dir gtso bor dgag bya ni ngor pa'i ngan rtog ste/ 'di bkag