[A:97b]pas gzhan khegs par 'gyur ba dang / sa skya pa'i bstan pa'i dri ma'ang 'byang bar 'gyur bas so zhes sogs kyi dgag yul ngos bzung ste/ de la kun bzang rnam rol las 'byung ba dgag pa dang / gsang ba kun rgyan las 'byung ba dgag pa gnyis su mdzad nas/ dang po la gong du bkod pa'i kun bzang rnam rol las bshad tshul de phyogs sngar bkod nas/ de skad smra ba po'i don gyi snying po ni spyir 'jig rten pa'i zas la tshogs kyi 'khor lo gdags su mi rung zhing / khyad par sha chang rab tu byung bas tshogs kyi 'khor lo bsten pa gtan mi rigs zhes par snang ba ches shin tu mi 'thad de zhes sogs mi 'thad pa'i sgrub byed dang bcas dgag pa'i rnam grangs shin tu rgyas par 'byung ba'i lan du/ chos rje bsod nams rab brtan gyis lan 'debs rigs pa'i rnam grangs mang po dang bcas gsungs kyang / dngos lan snying po blangs te bkod na kun gyis rtogs sla bar 'gyur bas lan rgyas bshad rnams kyi snying po ni/ dgag pa de dag ni phyogs snga ma longs par mdzad par song ste/ 'jig rten pa'i dga' ston dang kha zas yin na tshogs kyi 'khor lo'i rgyur mi rung bas khyab pa dang / sha chang rab byung gi tshogs 'khor gyi dus su gtan nas bsten mi rigs par 'dod pa med bzhin du dgag pa mdzad pas so/ /kun bzang rnam rol las sha chang kho na la longs spyod pa 'jig rten pa'i dga' ston la tshogs kyi 'khor lo'i ming gdags par mi bya'o zhes pa'i don ni/ thar pa don gnyer rnams kyis sha chang kho na la longs spyod pa 'jig rten pa'i dga' ston dang tshul mtshungs pa'i longs spyod la