[A:100a]dge slong rdo rje 'dzin pa sngags pa ma yin par thal/ 'dod pa'i phyir/ khyab ste/ 'dod yon bsten pa theg pa'i chos nyid kyis thob pa'i sngags pa'i dam tshig yin pa dang / mdo sngags kyi dbye ba'ang 'dis 'byed par dpal sa skya pa yab sras bzhed pa'i phyir/ de'ang 'dod na/ dge slong rdor 'dzin dge slong rdor 'dzin ma yin par thal/ de sngags pa ma yin pa'i phyir/ 'dod na dge slong rdor 'dzin dge tshul dge bsnyen gsum gyi rdo rje 'dzin pa go rim bzhin rab 'bring tha gsum ma yin par thal/ dge slong rdor 'dzin med pa'i phyir/ gzhan yang dge slong rdo rje 'dzin pas gsang sngags mi spyod par thal/ des gsang ste spyod dgos pa med pa'i phyir/ der thal/ 'dul ba ji lta ba bzhin spyod pa'i phyir/ 'dis mtshon nas rigs pa grangs med pa 'gro ste/ rigs pa shes pa rnams kyis spros te dgag par bya'o zhes gsungs/ de'i lan du rje bsod nams rab brtan gyis dgag lan las/ 'o na khyed rang dge slong rdo rje 'dzin pas sngags kyi nyams len byed pa na de ltar gang gtso/ dang po ltar na des sngags kyi nyams len byed pa'i tshe 'dul ba nas bshad pa'i bslab bya srung sdom mi dgos par thal/ de'i tshe sngags gtso che ba'i phyir/ khyab pa khas/ 'dod na dge slong rdor 'dzin gyis rgyun du de ltar mi dgos par thal/ 'dod pa gang zhig des rgyun du sngags kyi nyams len byed dgos pa'i phyir/ gzhan yang / phyi ru nyan thos spyod pa bsrung / /zhes pa dang / nyan thos spyod pa srung ba po/ /zhes pa rnams kyang sngags kyi nyams len