[A:103a]'gyur ro zhe na/ de dag ni rang nyes pas gos dogs kyis tshogs 'khor de ltar mdzad pa ma yin gyi/ rjes 'jug brtan pa ma thob pa dag gis gsang sngags la khag btags nas rtsing spyod dang du blangs na bstan pa dang rang gzhan la gnod par 'gyur bas de dgag pa'i phyir yin te/ dper na ston pas thun mong ma yin pa'i gdul bya la kha sbyor yan lag bdun ldan gyi skur bstan nas/ thun mong ba la tshangs par spyod pa'i skur bstan pa bzhin no zhes sogs gsungs so/ yang grub pa'i dga' ston las sa paN gyis tshogs 'khor rnam gzhag las rnal 'byor pa'i tshogs 'khor gsungs pa nas chos kyi rgyal po dpal ldan sa skya pa'i phyag len gyi rim pa bshad zin to zhes gsungs la/ snga phyi gnyis mi mthun na phyi ma rang lugs su mdzad ces gsungs pa'i lan du/ chos rje bsod nams rab brtan gyis de la brtags na sa paN gyis tshogs 'khor la sdom brtson gyi lugs dang / rnal 'byor pa'i lugs gnyis su gsungs pa'i phyi ma sa lugs dang mi mthun zhes par song 'dug pa/ de ltar na sa skya pa'i tshogs 'khor de klu sgrub sogs nas kha che paN chen gyi bar sogs rgya gar gyi paN grub rnams dang mi mthun par smra ba ni ya nga ba'i gtam mo/ /lugs gnyis mi mthun zhes pa'ang gang zag gcig la ltos pa'i phyag len mi mthun pa ma yin gyis gang zag so so la ltos nas mi mthun pa ste sdom brtson rdor 'dzin rnams kyis lugs snga ma ltar bya/ de las gzhan pa'i rdor 'dzin rnams kyis phyi ma ltar bya'o/ /de gnyis char yang sa skya pa'i phyag len rnam par dag