[A:104b]ste/ bdag nyid chen po sa skya paNDi tas/ des na mkhas pas grub mtha'i skyon/ /gzu bor brjod pas tshar gcod kyi/ /gang zag skyon dang bdag bstod pa/ /ngan 'gro'i rgyu phyir mkhas pas smad/ /ces dang / chos dang mi mthun pa'i rtsod pa ngan 'gro'i rgyu yin pas mkhas pa rnams kyis spangs bar bya'o zhes sogs rgyas par gsungs pas so// //dgu pa gdan gyi dag pa sogs gong ma'i bka' yin min gyi rnam gzhag la/ rje mus srad pa chen pos gong ma'i bka' bsgrub pa/ 'phags pa bsgrub pa/ bla ma dam pa bsgrub pa/ phyag len bsgrub pa ste bzhi po la le'u re rer mdzad nas bsgrub pa rnam bzhi'i bstan bcos zhes mtshan du grags pa'i/ dang po gong ma'i bka' bsgrub pa zhes bya ba de nyid las/ sa chen gyi bka' bsgrub pa/ rtse mo'i bka' bsgrub pa/ rje btsun gyi bka' bsgrub pa/ sa paN gyi bka' bsgrub pa dang bzhir mdzad nas/ dang po la rjes 'brangs kha cig rang gis bzhag pa'i kyai rdo rje'i gzhung lugs dang / gzhung 'di 'gal bar mthong ste/ hwa shang gis dgongs pa nges 'grel gyi mdo bltas pa ltar rnam par dag pa ma yin par smra'o zhes phyogs snga bkod nas/ de ni mi 'thad de/ dkar shAkya grags kyis mdzad pa'i dag ldan dang / 'phags pa rin po ches zhabs mdun ma gnyis g.yas brkyang zhing g.yon bskum pa zhes gsungs pa dang / deng sang yan gyi sa skya pa rjes 'brangs dang bcas pa'i kye rdor man ngag lugs kyi bris sku dang bzhengs sku sogs mthong ba kun 'dir bshad pa'i gzhug tshul kho na ltar snang bas de dag kun kyang yi ge 'di tshad mar