[A:105a]byed pa grub pa'i phyir dang / khyad par khyed rang gi bla ma shar chen gyis gur gyi sgrub thabs su'ang bzhugs tshul 'di kho na ltar bshad pa dang / grub chen buddha shrI'i thugs dam ras bris la'ang 'di bzhin du yod par grags pas de dag kyang tshad mar mdzad pa gsal bas/ gang zag de tsam gyis tshad mar mdzad pas tshad mar mi 'gyur na ha cang thal ba'i phyir ro zhes pa dang / rjes 'brangs kha cig slob dpon rin po che'i mtsho skyes kyi 'grel par de dag kyang mnyam par brtsegs pa'i snying gar zhabs g.yas pa gnyis kyis mnan pa'o/ /rol mo'i tshul ni skyil krung phyed pa'o zhes dang / mtsho skyes dbang chog tu bdud bzhi brtsegs pa'i gdan la zhabs g.yas gnyis brkyang / g.yon gnyis bskum pa'i gar stabs kyis bzhugs pa zhes gsungs pas/ bzhugs tshul 'di dang mi mthun pa'i phyir rnam par ma dag go zhes smra bar grag go zhes man ngag gi gsal byed las bshad pa de phyogs sngar 'god par mdzad nas/ de ni lugs so sor ma phyed pa'i bab col yin te lugs de dag mtsho skyes kyi dgongs 'grel yin pa'i phyir zhes sogs dang / rin chen 'bar bar g.yas brkyang g.yon bskum lhag ma gar gyi tshul du bzhugs pa'i don yang / mdun ma gnyis g.yas pa'i brla la g.yon bskum ba'i sor mo sbyar ba dang / lhag ma rgyab ma gnyis mdun ma lta bu'i gar stabs so zhes 'bru gnon du rung na slob dpon thams cad dgongs pa gcig par 'gyur ba'i shin tu legs kyi gzhan du na slob dpon 'di gnyis mi mkhas par 'gyur ba'i skyon yod de rgyud dang