[A:105b]mi mthun pa'i phyir ro zhes 'byung bas bzhugs tshul mthun par sbyor bas skyon med do zhe na shin tu mi 'thad de/ mdun rgyab gnyis bzhugs stabs mthun pa la dum bur byas nas tshig gis bstan pa la dgos pa ci zhig yod/ gzhan dag 'gog pa'i zol gyis rjes btsun gong ma rjes 'brangs dang bcas pa 'gog pa la 'bad par zad pa'i phyir ro zhes sogs gsungs so/ /de la thams cad mkhyen pa dkon mchog lhun grub kyis tshangs pa'i rig sngags kyi don bsdus don brgyad par dbang rdzas yongs dag med pa'i brgal lan las 'phros nas/ tshul 'di bsgrub pa bzhi ldan gyi/ /lan du lung rigs dang bcas 'chad/ /ces gsungs nas sgrub pa bzhi po 'di la lan 'debs shig mdzad par dgongs kyang gsung rtsom gnang thub pa zhig ma byung snang ba/ 'on kyang bka' bsgrub kyi rje btsun gyi bka' bsgrub pa la rdor dril gyi de nyid ston pa'i yi ge rje btsun gyis mdzad par grags pa de bka' ma yin pa'i tshul ni tshangs pa'i rigs sngags su gsungs pas gong du bkod pa de dag gis lan dpyis phyin pa thebs pa yin la/ gzhan sgrub pa bzhi po 'di dag la ngor lugs kyi rjes 'brangs dag gis lan 'don mdzad pa'i gsung rab kho bos sngar ma mthong yang / mkhyen rab kyi dbang phyug glo bo mkhan chen bsod nams lhun grub legs pa'i 'byung gnas kyis bsgrub pa dang po 'di la lan du 'gyur ba tshig don mun sel zhes bya ba mdzad pa/ de las mus srad pa chen po'i gsung rags pa zhig thog mar bkod nas/ lan dngos la gzhi med kyi skur ba btab par bstan pa dang / gdan dang