[A:106a]bzhugs tshul la spros pa bcad pa gnyis su mdzad nas/ dang po la rje btsun a nanda bha dra nyid kyis mdzad pa'i gong ma'i bka' 'bum gyi dkar chag na/ sa chen bka' 'bum gyi nang du kye rdo rje'i gdan gyi dag pa zhes dngos su smos shing / kye rdor rgyud kyi byung tshul las kyang dag ldan las 'byung ba dang / gdan gyi dag pa las 'byung tshul cung zad mi 'dra ba'i tshig gi khyad par dang bcas lung du drangs la/ ngor chen gyi gsung gang na'ang 'di tshad ldan min par ston pa tshig gcig kyang med/ 'di la mdzad byang med pas sa chen dang rje btsun gyis bka' 'bum du bsgrigs pa ni ci rigs 'byung ngo / /sa chen gyi gsung rnams mdzad byang med pa shas che zhes rje btsun kun dga' dbang phyug gsungs pas sa chen gyi bka' 'bum nang du 'jug pa 'thad dam snyam mo/ /yang rje ngor chen gyis kye rdor mngon rtogs bsdus par zhabs mdun ma gnyis g.yas brkyangs g.yon bskum/ rgyab ma gnyis skyil krung phyed pa'i gar stabs zhes dngos su bshad cing / rje nyid kyi thugs dam bris sku la'ang rtsa ba'i bla ma gnyis kyi sku steng du bkram gdan gyi tshul bris yod pas/ bkram gdan thams cad ma dag par gsung ngo zhes pa khyod kyis su las thos zhes gsungs la/ gnyis pa gdan dang bzhugs tshul la spros pa bcad pa la/ gdan gyi bdud bzhi ni rgya gzhung dag las mi 'dra ba mang yang rang rang gi bla ma grub thob kyi gsung 'gros yin pas dag ma dag gi dgag sgrub mi nus la/ 'khrul spong gi mchod brjod las gtso bo'i gdan gsum pa 'jug sel te/ khyab 'jug