[A:106b]la bshad pa'ang yod pas rnam grangs mi 'dra ba cung zad la skyon du gzung bar mi bya'o/ /sa skya pa la kye rdor bka' babs bzhi byung ba'i mtsho skyes dang / man ngag lugs la zhabs g.yas gnyis brkyangs pa'i brla la g.yon gnyis bskum pa'i sor mo gtad pa'i skyil krung phyed pa'i gar stabs kyis bzhugs pa yin te/ rtse mo'i mtsho skyes dkyil chog tu de dngos su gsungs shing / mtsho skyes sgrub thabs dang / man ngag lugs kyi yan lag bzhi drug gnyis char du brtsegs gdan gsungs pas so/ gal te rtse mos g.yas brkyang dang g.yon bskum skyil krung gis dag pa gsungs pas g.yas brkyang ba/ g.yon bskum pa/ rgyab ma gnyis skyil krung phyed pa bstan no snyam na skyil krung phyed pa de la g.yas brkyang g.yon bskum tshang bas de'i dag pa ston pa ste mtsho skyes 'grel par/ de dag kyang mnyam par brtsegs pa'i snying gar zhabs g.yas pa gnyis kyis mnan pa'o/ /rol mo'i tshul ni skyil krung phyed pa'o/ /de'i g.yas brkyang ba ni thugs rjes sems can la chags pa'o/ /g.yon bskum pa ni shes rab kyis chos gang yang mi 'dzin par btang ba'o zhes gsungs so/ /gzhan du na bde mchog la rdor dril 'dzin pa'i phyag gnyis las gzhan pa'i phyag gnyis kyis yum la 'khyud dgos par 'gyur te/ rje btsun gyis rdor dril 'dzin pa dang yum la 'khyud pa gsum gyis dag pa gsum so sor gsungs pa'i phyir ro/ /'grel lugs kyi gzhung rnams las gsal kha mi snang yang / rin chen 'bar bar nyi mar zhabs g.yas zhes sogs kyi don mdun ma gnyis g.yas brkyang g.yon