[A:107a]bskum/ rgyab ma gnyis skyil krung phyed pa'i gar stabs su mngon te/ rje btsun gyis gdan gyi rnam gzhag las gtso bo'i zhabs phyed krung gis tshangs pa dang / g.yas brkyangs pas dbang phyug g.yon bskums pas gzhan 'phrul dbang byed kyi bdud sdig can rnams kyi snying ga nas mnan pa dang / yum gyi g.yon pas brgya byin gyi snying ga nas mnan par gsungs pa'ang 'di la dgongs pas bkram ldan gyi tshe yab kyi zhabs g.yas brkyang ba gsum dang / yum gyi g.yon brkyang bas bdud bzhi mnan nas/ bskum pa gnyis kyis mnan rgyu med pa la bya dgos par snang ngo / /mdor na gsung tshul so so ma gtogs sbyar tshul gang la sbyar kyang yang dag pa re 'byung bas 'gal ba med pa 'dra'o zhes man ngag gi gsal byed las gsungs pa 'dis log rtog thams cad sel nus la/ ku mu tir zhabs g.yas brkyangs pa'i brla la g.yon pa'i sor mo sleb cing / g.yas pa'i zhabs kyi rtses bdud bzhi'i snying gar mnan pa gsal bar gsungs pa dang / rje btsun kun dga' bzang pos kye rdor bcu bdun ma'i mngon rtogs su gsungs pa'i bzhugs tshul 'khrul spong gi mchod brjod dang / mi thub zla ba'i bdud bzhi'i snying gar nyams dga'i gnas su sems can don mdzad dgyes zhes pa dang / sgyi chu ba'i dka' 'grel las kyang gtso bo bdud bzhi brtsegs pa'i gdan zhes gsungs pa rnams kyis bdud bzhi mnyam par mnan pa'i bzhugs tshul 'di grub/ des na 'grel lugs kyi'ang ku mu ti dang yan lag drug par yang brtsegs gdan bshad pa khas