[A:107b]len dgos shing / rin chen 'bar ba dang / yan lag drug pa dang / ku mu tir bshad pa rnams grangs mi 'dra ba cung zad la 'gal ba med par kho bo sems so/ snying po don gsal las/ de slad khyod zhabs phyag dang phyag mtshan gzhan dbang kho nar bdag gis 'tshal/ /zhes bshad pa'i phyir ro zhes sogs gsungs so/ /gnyis pa rtse mo'i bka' bsgrub pa la/ mus srad pa rdo rje rgyal mtshan gyis rjes 'brangs kha cig rang gis bzhag pa'i dkyil 'khor gyi tshad dang gzhal yas khang gi yi ge 'di 'gal bar mthong nas hwa shang gi dgongs 'grel ltar 'dir yang smra bar byed do zhes phyogs snga bkod nas mi 'thad de/ chos rje bla mas gong ma'i bka' 'bum bsgrigs pa'i nang du ma chud kyang / theg chen chos rje'i phyag dpe'i mjug tu/ 'di la phyi mo du ma snang yang bka' 'bum snga ma rnams su ma bcug phyis sgo rum dpe khang nas kyang bla dpe rnying pa byung ba mthong nas yid ches par byas te bka' 'bum phyi ma rnams su bzhugs su gsol ba yin no zhes gsungs pas tshad mar nges pa'i phyir zhes sogs gsungs pa'i lan du/ mkhan chen bsod nams lhun grub kyi tshig don mun sel las sgo rum dpe khang na bla dpe rnying pa yod pa dang / theg chen chos rjes bka' 'bum phyi ma rnams su bcug pas rje btsun sku mched kyis mdzad par sgrub mi nus/ 'on kyang gzhung 'dir rgyud 'grel gyi lung dang bcas te gzhal yas khang gi gnas lugs la sgro 'dogs gcod pa rnam bshad zla zer du bshad pa bzhin mi snang yang / sgrub pa po'i blo la bsgom bde zhing gnad ma 'khrugs pa zhig ni yin