[A:108a]nam snyam mo zhes gsungs shing / yang khyed rang ltar na yi ge de zhang bya ru bas mdzad do zer ba dang / gong ma'i yi ger mi gsal ba rnams rjes 'brangs kyi yi ger bshad pa la tshad mar byed do zer bar grags pas dkyil 'khor gyi tshad 'chad pa na yi ge 'di tshad mar byed dgos te/ gzhan rtsis su byed pa'i gong ma rjes 'brangs dang bcas pa sus kyang khung cung zad tsam yang med cing / zhang bya ru ba'i khrid kyi sngon 'gro mi byed pa tshad mar byed/ 'di tshad mar mi rung ba'i rgyu mtshan med pa'i phyir ro zhes pa'i lan du/ glo bo mkhan chen rin po ches rje btsun khu dbon gyi slob ma zhang bya ru bas byas pa'i gzhal yas khang gi rnam gzhag kyang yod do gsungs pa/ rje rdo rje 'chang gi dngos slob dag gsung ba thos kyi/ yi ge 'di zhang bya ru bas byas pa yin no gsung ba ma thos shing / zhang bya ru bas khrid kyi sngon 'gro mi byed pa'i rgyu mtshan gsal po zhig khyed kyis gsungs shig de nas de'i lan 'don par 'gyur ro zhes gsungs so/ /gsum pa rje btsun gyi bka' bsgrub pa la mus srad pa chen pos de kho na nyid gsum gyi man ngag rje btsun gyi bkar bsgrub pa dang / dbang po rab 'bring gsum gyis bkri ba'i gzhung shing rje btsun gyi bkar bsgrub pa gnyis su mdzad nas/ dang po la rjes 'brangs kha cig bzlas pa'i skabs su 'phags pa rin po ches mdzad pa'i phar 'khor gyi man ngag bkag pas yi ge 'di nyid du phar 'khor gsal bar bshad pas rang gi de ma bden par dogs nas yi ge 'di la skur pa btab pa yin no zhes phyogs snga bkod nas/ de mi