[A:15a]gnyer ba'i slob ma la/ sngar gsang sngags la zhugs pa dang / theg chen la zhugs pa dang / nyan thos la sogs pa'i lam la zhugs pa dang / sangs rgyas kyi bstan pa la ma zhugs pa dang bzhi las/ dang po gnyis la de ma thag rjes bzung byar rung ba dang / gsum pa la bzhi pa'i nang tshan gzhan du rdzogs byang 'dod pa dang / nges legs tsam 'dod pa rnams la dpon slob 'brel brtags te sems bskyed nas rjes su bzung bar bshad cing / gang zag tha ma mngon mtho tsam don du gnyer ba yin na de ma thag rjes bzung mi bya bar thun mong ba'i lam gyis blo rim gyis sbyangs te sems bskyed la/ gzod rjes bzung gi ming can slob mas gsol ba gdab pa dang / slob dpon gyis ting nge 'dzin gyis bsrung ba dang / bsnyen pa'i stabs su gzhug pa rnams bya bar bshad zhes gsungs/ gsum pa la rgol ba khyod kyi rjes bzung la spyi rgyud las bshad pa'i slob ma la sngags dang ting nge 'dzin dang / srung skud btags te srung ba byed pa sogs tshang bar byed pa'i srol med pa dang / der grangs nges dgos pa'i dmigs bsal ma bshad pa la grangs nges 'dod pas khyed kyi de spyi rgyud lugs kyi rjes 'dzin yang ma yin/ slob ma'i rigs brtags pa'i sgo nas thun mong ba'i lam gyis rgyud sbyangs dgos pa'i gang zag tha ma rnams rim can pa'i lam gyis rgyud sbyang ba sogs byas nas/ gzod dbang bskur ba de khyed kyi rjes bzung gi lag len la med pas lam 'bras kyi lugs kyi rjes bzung yang min gsungs/ don tshan gnyis pa skabs don gyi dngos lan