[A:23b]du/ spyod pa'i rgyud kyi dbang bskur la/ /slob ma rjes bzung grangs nges med/ /lhag ma dmigs bsal mdzad pa yin/ /zhes sbyar na bde gsungs/ spyi rgyud dang mngon byang gi rjes 'dzin la grangs nges yod med ni brtags nas rjes su 'dzin pa dang / rjes su bzung nas brtag pa'i khyad par du snang ngo / /dkyil 'khor du 'jug pa la ni brtag mi dgos par grangs med rjes su bzung bas chog ste/ de nyid 'dus pa las/ dkyil 'khor chen po 'dir 'jug pa la snod du gyur ma gyur brtag mi 'tshal lo zhes gsungs pas so zhes pa dang / dri ba gsum pa'i rang lan du spyi rgyud las/ rjes 'dzin la nyer lnga man chad kyi grangs nges mdzad pa de dbang chu'i dgongs par gdon mi za'o/ bla ma rnams kyi phyag len du mdzad pa ni mngon byang las gsungs pa ltar byang chub sems kyi rgyur 'gyur ba'i dgos pa khyad par can la dgongs nas grangs nges ma mdzad pa'am/ yang na rdul tshon gyi dkyil 'khor gcig tu bsgrub cing mchod pa dang / bdag nyid 'jug cing dbang blang ba'i cho ga tshar gcig las mi mdzad pa'i dbang du byas nas rjes bzung gi grangs nyer lnga las lhag pa ma bshad do zhes kyang bsam par bya'o zhes gsungs/ glo bo mkhan chen bsod nams lhun grub kyis rjes 'dzin byas pa'i slob ma ji tsam tshang yang lhag ma rnams la dbang bskur ba'i tshe sta gon gyi skabs su grangs nges yod pa re byas nas de dag la dbang gi dngos gzhi bskur ba shin tu'ang rung zhing slob ma rjes 'dzin gzhan 'os pa ci rigs pa la byed pa'am/ slob ma rjes 'dzin ma byas pa la'ang sta gon gyi cho ga byas nas