[A:24a]dbang bskur ba bya rung zhing / rjes 'dzin byas pa'i slob ma sta gon gyi dus su med pa la'ang yod bzhin du ma 'dzom pa dang / shi nas med pa sogs du ma 'byung bas lhag ma rnams la dbang ma bskur bar lam bstan du rung ba ni ma yin no/ /kha 'chams la dbang bskur byas na skye la nyes byas yin zer ba ni skye la nyes byas dang nyes med kyi tha snyad rnams 'dul ba la grags kyi/ gsang sngags la sbyar na lham dpe zhwa la bkab pa las ma 'das lags zhes rab 'byams pa blo gros rab gsal gyi dris lan las gsungs so/ /yang bdag gi bla ma mkhan chen thams cad mkhyen pa ngag dbang chos grags kyis sdom gsum rnam bshad kyi 'phros don las/ kun mkhyen dang paN chen gyi bzhed pa bkod pa'i rjes su/ zung du ma gyur slob ma gang / /zhes pa slob ma rjes bzung yin pa thugs mad de/ /de ltar slob ma rjes bzung tshar ba rnams sta gon bya ran pa'i tshe 'ga' zhig med zin pa'am ma slebs pa la gzugs brnyan 'dri ba dang tshab bcug nas kha skong bar gsungs pas kyang shes nus pa'i phyir/ de'ang rgyud las/ slob ma yongs su bzung ba gang / sta gon gnas tshe med na ni/ /de yi gzugs brnyan byas nas su/ /ji skad bshad pa'i las rnams bya/ /slob ma yongs su bzung ba gang / /gal te rkyen 'ga' zhig gis ni/ /der ni 'ong bar ma gyur na/ /gzhan dag de yi skyin por gzhug /ces gsungs te/ rjes 'dzin tshar ba'i slob ma sta gon gyi gong du tshe phyi mar 'phos tshar na de'i byang bu lta bu la dgug zhugs byas te dbang gral der bzhag nas sta gon