[A:24b]dang dngos gzhi'i dbang bskur bas kha skong zhing kho'i sdig sbyong du 'gyur ba dang / gal te na ba'am phyogs che ge mor 'gro dgos byung ba'i rkyen gyis ma sleb pa la na rjes 'dzin ma byas kyang tshab gzhan bos nas sta gon bya ba yin no/ /dgos pa ni kha skong ba'i ched dang / dngos gzhi'ang tshab de nyid la bskur bas de nyid kyis dbang thob par 'gyur la/ sta gon la ma sleb pa la de'i dngos gzhi bya mi rung ngo / /yang sta gon byas pa dngos gzhi la med pa'am ma sleb na ji tsam tshogs pa de la dngos gzhi bskur gyi/ gzugs brnyan dang tshab ni mi bya ste/ spyi rgyud kyi lung sngar drangs pa'i 'phros las/ sta gon gnas pa byas pa la/ /gal te der ni ma 'ongs na/ /bla ma blo ldan mkhas pa yis/ /der ni slob ma gzhan mi bzung / /zhes gsungs pa'i phyir/ paN chen gyis rjes 'dzin gyi slob ma dngos gzhi la sleb nges pa'i dbang du byas nas gzugs brnyan dang skyin po bcug pa yin gyi/ gzhan du na gzugs brnyan dang skyin po la sta gon byas pa la dgos pa med gsung ba ni rgyud tshig de dag gi don la thugs g.yel bar zad do/ /de ltar spyi rgyud kyi lung des slob ma rjes bzung bstan yang / rjes 'dzin gyi grangs kyis dbang dus kyi grangs kyang 'grub pa yin te/ rjes bzung grangs ji tsam dang mthun par phyis dbang yang grangs de dag la bskur ba yin pa'i phyir/ deng sang lam 'bras pa phal cher slob ma rjes 'dzin la grangs nges mi mdzad pa ni phyag len zor bde ba tsam ste/ phyag len dog par byas na lam 'bras dang ma 'brel yang slob ma rjes 'dzin dang bsnyen pa kha gso dgos so